Hvernig gengur þessi rekstur upp?

Þessi ferðaskrifstofa er gjörsneidd allri tilfinningu fyrir kúnnanum. Ímyndar hún sér að sextíu manna hópur geti bara sisona hnikað til löngu ákveðnu frídögum á þessum tíma árs, bara af því að það hentar henni allt í einu ekki að standa við gerða samninga?

Hver er tilgangurinn með svona rekstri, sem virðist hafa það að markmiði að gefa skít í kúnnann?

Komast ekki í námsferðina

Ábyrgðarleysi!!!

Mér finnst það geypilegt ábyrgðarleysi af Morgunblaðinu að sitja á þessari frétt í næstum  því viku .

Drukkinn á reiðhjóli

Þetta er svakalegra en mann grunar!

þetta minnir á álit greiningadeilda bankanna á sínu tíma. Góðærið var alls ekki jafn svakalegt og þeir vildu vera láta.

Getur verið að veðurstofan eigi einhvern þátt í hruninu?

„Ekki eins svakalegt“ og veðurspá gefur til kynna

FÍ á svanaveiðum.

Ætli þetta sé eitthvað nýtt sport hjá FÍ, að reyna að hæfa fugla? Það virðist jafnvel vera gagnkvæmt. Það lá við að svaninum misheppnaðist að krækla ekki fram hjá vélinni :)

Flugvél hæfði svan við flugtak á Ísafirði

Hún er manneskja

"og hvíslar að Gunnu: Á herðarnar þín hafðu hann fallegur stúlkurinn mín" segir í Búðarvísum Jóns Thoroddsen. Kannski er Caster Semenya "stúlkur". Hún er a.m.k. kraftaleg kona. Þetta er annars hið raunalegasta mál en þyrfti ekki að vera það. Það er nokkuð ljóst að hún er aðeins meira en venjuleg kona. Hún er líklega búin að keppa í nokkur ár og þetta mál þyrfti því ekki að koma á óvart í íþróttaheiminum. Mér finnst ekki hægt að saka hana um að hafa rangt við, hún er að keppa í góðri trú. Þetta er mál sem íþróttayfirvöld þurfa að leysa. Hvað sem öllu líður er Caster manneskja.

Fjölskylda Semenya bregst reið við

Úr hörðustu átt...

Tæplega hefðu fyrrum stjórnarliðar tekið mark á slíkri beiðni frá Steingrími Joð & co. í fyrri tíð. Hér á vel við ein ágæt vísa sem flugmundurinn heyrði fyrir margt löngu:

 

Dulítið er mannsins máttur

magnlítill á stundum.

Það er jafnan heimskra háttur

hása sig að æpa á fundum.

Fara fram á rýmkaðan ræðutíma

Báknið burt!

Það var þá gagn að bákninu eftir allt saman.

Rannsaka félög í skattaskjólum

Aðalsmerki Sjálfstæðisflokksins!

Einar Guðfinnsson: "Í þessum efnum eins og öðrum ber okkur að virða sannleikann og hafa heiðarleika í hávegum, eins og alltaf. Það hefur og er aðalsmerki Sjálfstæðisflokksins og því merki höldum við hátt á lofti"    

„Augljós mistök“

Fræknir flugmenn og "athugull" blaðamaður

Mikið blessað lán var það nú að flugmennirnir slökktu á mótornum. Það er auðvitað ekkert grín að hafa þotumótor á fullu afli inni í stofu.

Líklega hefur atburðarásin ekki alveg verið á þessa leið, líklegra að blaðasnápurinn hafi "skriplað á skötu" við þýðinguna. Íslenskunni á Mogganum hefur farið skelfilega aftur síðan Styrmir og Matthías réðu þar ríkjum.

Flugvélarmótor féll á íbúðarhús

Úthljóðsbylgjur

Nú þyrfti einhver sigldur og lesinn maður að koma til og útskýra fyrir okkur pöpulnum hvað úthljóðsbylgjur eru. Ég veit um útfjólubláar ljósbylgjur. Ég veit líka að það er hægt að birta myndir með hljóðbylgjutækni. Þannig sjá t.d. margir foreldrar börn sín í fyrsta skipti. Kannski eru úthljóðsbylgjur einhver bræðingur af þessu tvennu. Veit einhver? Eða hefur e.t.v. eitthvað skolast til í þýðingunni hjá blaðamanninum/konunni?

Flugvél Smiths í leitirnar?