Bloggfærslur mánaðarins, nóvember 2008

Úbbs!

Nú væri gaman að heyra reynslusögur. Skildi maður verða var við svona atburð? Ég get svosem alveg ímyndað mér að stærðarhlutföll fleys og hvals ráði þar nokkru. Ég man eftir blaðafrétt fyrir mörgum árum síðan þar sem sagt var frá því að flutningaskip kom siglandi inn í Hafnarfjarðarhöfn með hval á perunni.
mbl.is Langreyður fannst rekin á Reynisfjöru
Tilkynna um óviðeigandi tengingu við frétt

Geir er búinn að missa sjarmann

Maður stóð í þeirri trú að með brotthvarfi Davíðs og tilkomu Geirs mundi ímynd sjálfstæðisflokksins mýkjast. Geir hafði alla burði til að verða vinsæll leiðtogi. Hann var svona föðurlegur rólyndiskall sem var óhræddur við að standa upp og taka lagið. Síðustu misserin hefur hann hins vegar sýnt einhverja furðulega skapbresti í anda Davíðs við eðlilegum spurningum, t.d. um eftirlaunafrumvarpið og svo má bara ekkert ræða evruna.

Það kom svo sem ágætlega fram á fundinum í Háskólabíói í gær að það er orðin ansi breið vík á milli Geirs og þjóðarinnar og ekki má skilja Ingibjörgu Sólrúnu fyrrum alþýðukonu útundan. Geir var steinhissa á að svo margir hefðu mætt og Ingibjörg reyndi að sannfæra hnotskurn þjóðarinnar að hún endurspeglaði ekki skoðanir þjóðarinna. Kommon, segi ég nú. Hvar í andsk. hefur þetta fólk verið? Fylgist það ekki með því sem er að gerast í þjóðfélaginu? Norski sérfræðingurinn hefur kannski bundið fyrir augun og troðið í eyrun á þeim hjúum eftir að hann var búinn að líma fyrir gaphúsið á Jónasi FR.? Það er allt í himnalagi...


mbl.is Krafa um að viðtali við Geir verði skilað
Tilkynna um óviðeigandi tengingu við frétt

Norski herinn mættur

Maður fær ekki á tilfinninguna að stjórnvöld séu í einlægni og með allra hag að reyna að leysa vandamálin. Það lýtur frekar út fyrir að það sé verið að reyna að fela eitthvað. Hver er tilgangurinn með því að halda upplýsingum frá fólki? Hvað má Jónas Fr. ekki segja? Er hann að fela sig eða er verið að fela hann? Og Ingibjörg tekur þátt í þessu makki.
mbl.is Forstjóri verndaður?
Tilkynna um óviðeigandi tengingu við frétt

Komst upp um strákinn Tuma

Er þetta bara ekki eins og kaupin gerast á eyrinni í pólitíkinni? Fréttum er lekið hingað og þangað og sögur eru spunnar eftir hentugleikum. Eini munurinn er sá að nú er kýrskýrt hver stendur að málum. Það er eftirsjá að Bjarna af Alþingi.
mbl.is Bjarni segir af sér
Tilkynna um óviðeigandi tengingu við frétt

Innskráning

Ath. Vinsamlegast kveikið á Javascript til að hefja innskráningu.

Hafðu samband